Manchester United vann Sunderland en það dugði ekki til

Manchester United bar sigur úr býtum gegn Sunderland 1-0 á útivelli með marki frá Wayne Rooney í fyrri hálfleik. Sigurinn dugði þeim aftur á móti ekki þar sem Manchester City vann ótrúlegan sigur á QPR 3-2 á heimavelli.

Manchester United byrjaði leikinn vel og sóttu strax án afláts að marki Sunderland. Það tók gestina tuttugu mínútur til að komast yfir þegar Wayne Rooney skoraði laglegt mark með skalla. Það var aðeins eitt lið á vellinum í fyrri hálfleik og Rooney átti svona sannarlega að skora fleiri mörk.

Skot frá Rooney beint úr aukaspyrnu fór í þverslána nokkrum mínútum síðar. Síðan fékk Wayne Rooney algjört dauðafæri einn á móti markverði Sunderland en skot hans hárfínt framhjá. Staðan var því 1-0 í hálfleik.

Síðari hálfleikurinn var mun rólegri og liðin í vandræðum að skapa sér færi. Sunderland-menn komu sterkari út í síðari hálfleikinn og reyndu hvað þeir gátu að setja mark sitt á leikinn.

Manchester United menn fengu fljótlega fréttir af því að QPR væru komnir yfir gegn Manchester City og aðdáendur liðsins gjörsamlega trylltust því það þýddi aðeins eitt að United væri orðið enskur meistari ef leikirnir myndu fara á þann veg.

Manchester City skoruðu aftur á móti tvö mörk í uppbótartíma og tryggðu sér því enska meistaratitilinn.

United hélt marki sínu hreinu út hálfleikinn og fóru leikar 1-0.