Ferguson: Mikil áskorun fyrir City

Sálfræðistríðinu á milli Man. Utd og Man. City er ekki lokið enda einn leikur eftir. Sir Alex Ferguson, stjóri Man. Utd, hefur minnt City á að það gæti haft ófyrirsjáanlegar afleiðingar fyrir þá takist liðinu ekki að vinna titilinn núna.

City er með pálmann í höndunum og dugar sigur gegn QPR til þess að verða meistari. United spilar á sama tíma gegn Sunderland.

"City verður að vinna en þetta er mikil áskorun fyrir þá því vonbrigðin við að tapa leiknum yrðu óbærileg," sagði Ferguson.

"Það er ómögulegt að segja núna hvaða áhrif það getur haft á félagið ef það klúðrar þessum leik."