Man. Utd vill að Rio taki á sig mikla launalækkun

Samningaviðræður Rio Ferdinand og Man. Utd um nýjan samning ganga ekki vel þar sem félagið vill að Rio taki á sig ansi veglega launalækkun.

Ferdinand hefur verið með 120 þúsund pund í vikulaun en United er ekki til í að greiða honum meira en 70 þúsund. Það er skerðing upp á 50 þúsund pund á viku.

Stuðningsmenn United þurfa þó ekki hafa neinar áhyggjur af því að Rio fari í sumar enda er hann með samning til 2013.

Sir Alex Ferguson, stjóri Man. Utd, vill þó ólmur halda honum til ársins 2014 en þá verður Rio orðinn 35 ára gamall.