Owen Coyle: Við förum beint aftur upp

Owen Coyle, knattspyrnustjóri Bolton, var að vonum niðurlútur eftir loka umferðina í ensku úrvalsdeildinni en Bolton féll niður í ensku Championsship deildina eftir 2-2 jafntefli við Stoke.

„Við erum bara í sjokki og það er erfitt að átta sig á þessu," sagði Coyle.

„Dómarinn spilaði stórt hlutverk í dag og nokkur atvik féllu gegn okkur. Fyrsta mark Stoke var klárlega ólöglegt en brotið var á mínum leikmanni."

„Við sýndum karakter að koma okkur aftur inn í leikinn. Heppnin var bara ekki með okkur í dag. Mér fannst við spila nægilega vel til að eiga sigurinn skilið, en við verðum bara að koma sterkari til baka á næsta tímabili og koma okkur á ný upp í úrvalsdeildina."

„Stuðningsmennirnir voru frábærir í dag og maður vorkennir þeim mest. Núna hefst bara mikil vinna til að koma liðinu aftur á beinu brautina og aftur í deild þeirra bestu."