Dalglish fékk engin skýr svör í Boston - óvissa með framhaldið

Kenny Dalglish, stjóri Liverpool, er kominn til baka til Englands eftir að hafa farið að hitta eigendur félagsins hjá Fenway Sports Group í Boston í Bandaríkjunum. Samkvæmt heimildum Guardian fékk Dalglish engin skýr svör með framhaldið.

Dalglish kom til baka frá Boston á þriðjudagsmorguninn eftir að hafa fundað með aðaleigandanum John W Henry og stjórnarformanninum Tom Werner. Dalglish ræddi við þá um nýlokið tímabil sem og um hver stefna hans væri í framhaldinu.

Það hefur verið mikil óvissa um næstu skref eigandanna í stjóramálum félagsins eftir að Liverpool tapaði fyrir Chelsea í úrslitaleik enska bikarsins. Liverpool-iðið komst í tvo úrslitaleiki á tímabilinu og vann annan (enska deildarbikarinn) en gengi liðsins í deildinni var það versta í 18 ár.

Það eina sem er ljóst eftir þessa Bandaríkjaferð Kenny Dalglish að hann sagði ekki upp störfum og hann var heldur ekki rekinn. Það er hinsvegar ljóst að eigendurnir voru með skýra stefnu fyrir tímabilið að koma Liverpool í Meistaradeildina og Dalglish var langt frá því að ná því markmiði á þessari leiktíð.