Rooney fer með á Evrópumótið þrátt fyrir að byrja mótið í banni

Wayne Rooney, leikmaður Manchester United, verður með liðinu á Evrópumótinu í sumar, þrátt fyrir það að vera í banni í fyrstu tveimur leikjum riðlakeppninnar.

Roy Hodgson, þjálfari liðsins staðfesti það á blaðamannafundi í dag en hann gaf það einnig til kynna að hópurinn yrði valinn eftir síðasta leik tímabilsins á Englandi.

„Ég mun velja hópinn eftir tímabilið. Fyrir þann tíma verð ég vonandi búinn að tala við alla þá leikmenn sem koma til greina og rannsaka allt sem þarf að skoða til hlítar," sagði Hodgson.

„Að sjálfsögðu verður Wayne Rooney með. Ég hlakka til að fá hann með á Evrópumótið. Þó að hann geti ekki spilað fyrstu tvo leikina. Ég vænti þess að hann muni spila stórt hlutverk í okkar liði," sagði Hodgson að lokum.