Chelsea vill breyta þekktu orkuveri í framtíðarleikvang

Chelsea hefur lagt inn tilboð í Battersea-orkuverið í London og er ætlun Chelsea-manna að breyta henni í nýjan 60 þúsund manna framtíðarleikvang félagsins. Battersea er þekkt bygging við Thames-ánna og er aðeins í nokkra kílómetra fjarlægð frá Stamford Bridge.

Battersea-orkuverið er þekkt fyrir sína áberandi fjóra reykháfa og er þeir hugsaðir sem hluti af fimmtán þúsund manna suður-stúku sem verður óskipt.

Chelsea gaf það út í mars að það væri ekkert vit í því fjárhagslega að halda áfram að spila á Stamford Bridge. Völlurinn tekur "aðeins" 44 þúsund manns í sæti á sama tíma og 60 þúsund manns komast fyrir á Emirates, leikvangi Arsenal, og Old Trafford, leikvangur Manchester United tekur 76 þúsund manns.

Chelsea er ekki þeir einu sem eru að reyna að kaupa Battersea-orkuverið og því er ekki víst að tilboði þeirra verði tekið.