Carroll: Hélt að ég hefði skorað

Andy Carroll var nálægt því að jafna metin gegn Chelsea í dag og tryggja sínum mönnum framlengingu í úrslitaleik ensku bikarkeppninnar.

Carroll kom inn á í upphafi seinni hálfleiks þegar staðan var 2-0 fyrir Chelsea. Hann minnkaði muninn fyrir sína menn með góðu marki og breytti innkoma hans miklu fyrir Liverpool.

„Ég hélt að ég hefði skorað. Þú veist meira en ég þar sem ég er ekki búinn að sjá þetta aftur í sjónvarpinu," sagði Carroll í sjónvarpsviðtali strax eftir leik.

„Við vorum óheppnir en við fengum nokkur færi til að skora aftur. Það tókst ekki. Ég kom inn á og ætlaði að gera mitt besta en við vorum óheppnir."