Aron Einar og félagar úr leik - West Ham í úrslitaleikinn

Aron Einar Gunnarsson og félagar í Cardiff City eru úr leik í umspilinu um laust sæti í ensku úrvalsdeildinni eftir 3-0 tap fyrir West Ham á Upton Park í seinni leik undanúrslitanna í dag. West Ham vann 5-0 samanlagt og mætir annaðhvort Birmingham City eða Blackpool á Wembley í hreinum úrslitleik um sæti í ensku úrvalsdeildinni á næstu leiktíð.

Útlitið var ekki bjart fyrir Cardiff fyrir leikinn eftir 0-2 tap á heimavelli í fyrri leiknum en úrslitin voru nánast ráðin í hálfleik eftir að West Ham skoraði tvö mörk í fyrri hálfleiknum.

Kevin Nolan kom West Ham í 1-0 á 15. mínútu með skalla af stuttu færi eftir hornspyrnu og Ricardo Vaz Te bætti við öðru marki á 40. mínútu eftir að hafa fengið sendingu frá Guy Demel inn í teiginn.

Varamaðurinn Nicky Maynard innsiglaði síðan sigurinn þegar hann skoraði þriðja markið á 89. mínútu með glæsilegu skoti eftir að hafa fengið sendingu frá Henri Lansbury.

Aron Einar Gunnarsson lék allan leikinn með Cardiff.