Íslendingar hvöttu Ferguson til þess að kaupa Gylfa Þór

Íslenskir feðgar - Auðunn Atli Sigurðsson og Hrannar Helgi Auðunsson - vöktu athygli á Old Trafford, heimavelli Man. Utd, á dögunum er þeir voru mættir til þess að sjá leik United og Swansea.

Þeir komu nefnilega með fána þar sem Sir Alex Ferguson, stjóri Man. Utd, var hvattur til þess að kaupa íslenska landsliðsmanninn Gylfa Þór Sigurðsson en hann hefur einmitt verið orðaður við Man. Utd síðustu vikur.

Feðgarnir, sem eru búsettir í Manchester og mæta reglulega á völlinn, slógu í gegn með fánanum og mynd af honum hefur farið víða.

Að sögn Auðuns komu margir til þeirra að athuga hvað stæði á borðanum.