Mancini: VIð erum með tvo putta á titlinum

Roberto Mancini, stjóri Man. City, hefur loksins viðurkennt að Man. City sé í frábærri stöðu til þess að vinna enska meistaratitilinn. Skal svo sem engan undra þar sem sigur á QPR tryggir City titilinn.

Mancini hefur gert lítið úr titilvonum síns liðs síðustu vikur en er loksins að verða bjartsýnni.

"Við erum með tvo putta á bikarnum. Það er samt ekki nóg því við eigum erfiðan leik eftir," sagði Mancini.

"Mér líður vel eftir að við náðum að klára Newcastle. Hausinn á mönnum þarf samt að vera í lagi þegar við spilum gegn QPR."

QPR er að berjast fyrir lífi sínu í deildinni og mun örugglega veita City harða keppni.