Sunderland hjálpar Larsson við að komast á EM

Svíinn Sebastian Larsson er farinn í stutt sumarfrí enda getur hann ekki leikið fleiri leiki með Sunderland í vetur vegna meiðsla. Sömu sögu er að segja af Kieran Richardson en báðir hafa þurft að fara í aðgerða vegna meiðsla sinna.

Meiðsli Larsson eru lítilvæg og hann fékk leyfi til þess að fara í aðgerð núna svo hann myndi ná æfingabúðum sænska landsliðsins fyrir EM.

"Ég er afar þakklátur félaginu fyrir þennan stuðning og skilning í minn garð," sagði Larsson himinlifandi

Larsson er frábær spyrnumaður og er markahæsti leikmaður Sunderland í vetur með átta mörk.