Enska knattspyrnusambandið í viðræðum við Roy Hodgson

Enska úrvalsdeildarfélagið West Bromwich Albion hefur gefið knattspyrnustjóra sínum, Roy Hodgson, leyfi til þess að ræða við enska knattspyrnusambandið. Umræðuefnið er hvort hann sé tilbúinn að taka að sér þjálfun enska landsliðsins.

Samkvæmt stjórnarformi knattspyrnusambandsins, David Bernstein, er Roy Hodgson sá eini sem sambandið hefur leitað til vegna starfsins. Lengi hefur verið talið að Harry Redknapp væri líklegastur í starfið og kenningar uppi að þegar hafi verið búið að ganga frá ráðningu hans. Þær pælingar virðast á sandi byggðar.

Enska landsliðið hefur verið þjálfaralaust síðan Fabio Capello sagði starfi sínu lausu í febrúar. England er meðal þátttökuþjóða á Evrópumóti landsliða í sumar.