Mancini ánægður með afsökunarbeiðni Tevez

Roberto Mancini, stjóri Manchester City, tjáði sig um afsökunarbeiðni Carlos Tevez eftir sigur sinna manna á Porto í Evrópudeildinni í kvöld.

City vann þægilegan 4-0 sigur á Porto og komst þar með áfram í 16-liða úrslit Evrópudeildar UEFA.

„Ég er ánægður með það sem Carlos sagði," sagði Mancini en Tevez sendi frá sér afsökunarbeiðnina í gær. „Ég mun ræða við hann á morgun og hef ég tekið afsökunarbeiðnina til greina."

„Það er möguleiki á því að hann spili með Manchester City á ný. Hann þarf 2-3 vikur til að æfa og hann þarf að fá eitthvað að spila líka. En það er líka eðlilegt."

Tevez sneri aftur til Manchester í fyrir skömmu eftir að hafa dvalið í Argentínu í þrjá mánuði. Hann hefur ekkert spilað með liðinu síðan í september síðastliðnum.