Welbeck er ekki fótbrotinn

Danny Welbeck, leikmaður Manchester United, fékk góðar fréttir í gærkvöldi en þá var staðfest að hann væri ekki með brotið bein í fæti eins og hafði verið óttast.

Welbeck meiddist í leik United og Manchester City á mánudagskvöldið og var á hækjum þegar hann fór heim til sín um kvöldið.

Hann hafði verið tæklaður af Nigel de Jong en eftir brotið lenti stjórunum Alex Ferguson og Roberto Mancini saman á hliðarlínunni.

Niðurstöðu röntgen-myndatöku leiddu í ljós að hann væri bara marinn. Hann mun því ekki missa af EM í sumar hljóti hann náð fyrir augum Roy Hodgson, nýráðins landsliðsþjálfara Englands.

United á tvo leiki eftir í ensku úrvalsdeildinni og þarf allra helst að vinna þá báða og treysta svo á að City misstígi sig á sama tíma. Liðin eru nú jöfn að stigum á toppi deildarinnar en City með betra markahlutfall.