Umboðsmaður: Fleiri lið en Liverpool að fylgjast De Jong

Hollendingurinn Luuk de Jong er einn eftirsóttasti leikmaður Evrópu um þessar mundir ef marka má ummæli sem umboðsmaður hans lét falla í hollenskum fjölmiðlum í dag.

De Jong hefur verið sterklega orðaður við Liverpool á Englandi en hann er nú á mála hjá Twente í heimalandinu. De Jong er 21 árs gamall sóknarmaður og er samningsbundinn Twente til 2014.

De Jong mun vera áhugasamur um að komast í ensku úrvalsdeildina en vitað er af áhuga liða í Þýskalandi sem og víðar.

„Liverpool er að fylgjast mjög vel með Luuk. En það sama á við um fimmtán önnur knattspyrnufélög," sagði umboðsmaðurinn Luis Laros.

„Þrjú stór félög sem eru öll búin að tryggja sér þátttökurétt í Meistaradeild Evrópu á næstu leiktíð hafa öll tilkynnt Twente að þau séu reiðubúin í viðræður."

„Við verðum með alla anga úti næstu vikurnar. Luuk líður mjög vel hjá Twente en ef liðinu missir af Evrópusæti í vor er ljóst að það verður ekki jafn spennandi fyrir hann að vera áfram þar."