Alfreð og félagar mæta Celtic

Dregið var í lokaumferð undankeppni Meistaradeildar Evrópu nú í morgun og voru tvö Íslendingalið í pottinum.

Alfreð Finnbogason og félagar hans í sænska liðinu Helsingborg munu mæta Celtic frá Skotlandi en sigurvegari rimmunnar kemst áfram í riðlakeppni Meistaradeildarinnar.

FC Kaupmannahöfn, lið Sölva Geirs Ottesen og Ragnars Sigurðssonar, drógst svo gegn franska liðinu Lille.

Gladbach frá Þýskalandi og spænska liðið Malaga eru bæði nýliðar í keppninni og voru í pottinum í morgun. Gladbach mætir Dynamo Kiev frá Úkraínu en Malaga drógst gegn gríska liðinu Panathinaikos.

Fyrri leikirnir fara fram dagana 21. og 22. ágúst og þeir síðari 28. og 29. ágúst. Dregið verður í riðlakeppni Meistaradeildarinnar þann 30. ágúst.

Leikirnir:

FC Basel - CFR Cluj

Helsingborg - Celtic

BATE Borisov - Hapoel Kiryat Shmona

AEL Limassol - Anderlecht

Dinamo Zagreb - Maribor

Braga - Udinese

Spartak Moskva - Fenerbahce

Malaga - Panathinaikos

Gladbach - Dynamo Kiev

Lille - FC Kaupmannahöfn