Van Persie tregur til að skrifa undir nýjan samning

Enskir fjölmiðlar greina frá því í kvöld að Robin van Persie ætli ekki að skrifa undir nýjan samning við Arsenal á næstunni. Hann ætli að bíða og sjá hvaða möguleikar standa honum til boða í sumar.

Van Persie fór á kostum með Arsenal í vetur en samningur hans við félagið rennur út á næsta ári.

Hann hefur verið oraðaður við bæði Juventus og Manchester City og Arsenal gæti freistast til að selja hann í sumar, í stað þess að missa hann frítt eftir næsta tímabil.

Barcelona og Real Madrid eru einnig sögð hafa áhuga en ólíklegt er að mál Van Persie muni skýrast fyrir EM í sumar.