Höfðu Nóbelsverðlaunin áhrif á Saleh?

Kunnugir menn telja þá staðreynd að friðarverðlaun Nóbels féllu í skaut aðgerðarkonunnar Tawakkul Karman frá Jemen vera eina orsök þess að forseti landsins lofaði í dag að segja af sér.

„Fljótt á litið held ég að Nóbelsverðlaunin hafi beint kastljósum heimspressunnar en skýrar að Jemen og því hafi Saleh ákveðið að hypja sig úr embætti," sagði Richar Skretteberg, ráðgjafi flóttamanna í Noregi.

Margir eru hins vegar ekki tilbúnir að leggja trúnað á orð forsetans fyrr en á þau hefur reynt. Þeir segja forsetann áður hafa lofað að segja af sér en ekki staðið við það. „En ég held nú samt að eitthvað muni ske í Jemen á næstu dögum," segir Atle Mesøy, sérfræðingur í Íslam, en sá er ekki tilbúinn að trúa því að forsetinn láti af völdum af sjálfsdáðum.