Lindegaard: Ekki hjá United til að bora í nefið

Danski markvörðurinn Anders Lindegaard stóð sig vel í marki Manchester United er liðið geðri 1-1 jafntefli við Besiktas í Meistaradeild Evrópu.

Lindegaard var keyptur frá norska liðinu Aalesund í janúar á þessu ári og komu kaupin mörgum á óvart. Hann hefur ekki fengið mörg tækifæri til að sýna sig en félagið keypti David de Gea í sumar.

Alex Ferguson, stjóri United, hefur staðfest að De Gea muni spila í marki United gegn Chelsea um helgina en Lindegaard var spurður eftir leik hvort að hann vonaðist til að frammistaða sín hefði vakið athygli Ferguson.

„Hvernig býstu við að ég svari þessari spurningu? Ég er ekki hér til að bora í nefið á mér,“ sagði Lindegaard. „Ég er ánægður með frammistöðuna en finnst leiðinlegt að ég hafi fengið á mig eitt mark.“