Umfjöllun: Valur vann í bragðlausum Reykjavíkurslag

Það var ekki mikið um glæsileg tilþrif þegar Valur lagði Fram 1-0 í nágrannaslag kvöldsins í Pepsí deild karla. Markið kom fjórum mínútum fyrir leikslok en Valur batt þar með enda á tveggja leikja taphrinu. Fram situr eftir á botninum með eitt stig úr fimm leikjum.

Framarar mættu til leiks með það hugarfar að kæfa leikinn og hindra Valsmenn í sínum sóknaraðgerðum á kostnað síns eigin sóknarleiks. Engu að síður átti Fram þrjá fína spretti í upphafi leiks þar sem þeir nýttu sér vandræði Pól í vinstri bakverði Vals. Herslumuninn vantaði þó að liðið skapaði sér færi enda helstu sóknarmenn liðsins ýmist á bekknum eða meiddir.

Valsmenn unnu sig hægt en örugglega inn í leikinn og stjórnuðu ferðinni án þess að skapa sér færi fyrr en í seinni hálfleik. Á stuttum kafla átti Valur annars vegar skalla að marki sem var varinn á marklínu, Jóni Orri gerði það eftir skalla Hauks Páls og hins vegar skaut Guðjón Pétur í þverslánna úr aukaspyrnu. Eftir það þyngdist sókn Vals og þeim tókst að skapa sér eitt færi skömmu fyrir leikslok sem Guðjón Pétur nýtti og því fóru stigin þrjú til Vals en Fram situr eftir með sárt ennið.

Það bendir allt til þess að sumarið verði langt fyrir Framara landsins og ljóst að liðið þarf að bæta sóknarleik sinn mikið ætli liðið hreinlega ekki að falla niður um deild. Mjög fátt jákvætt er hægt að skrifa um leik liðsins í kvöld og þó það sé góðra gjalda vert að stefna að því að halda hreinu þá þarf einnig að bjóða upp á lágmarks hugmyndaauðgi í sóknarleiknum, lið heldur sér ekki uppi á því að stefna á markalaust jafntefli í hverjum leik.

Valsmenn gerðu vel að landa sigri og finna leiðina í mark Fram í kvöld en til þess þurfti mikla þolinmæði og dugnað og það sýndu heimamenn þó fótboltinn hafi verið allt annað en fallegur. Stuðningsmenn liðsins fyrirgefa það væntanlega þar sem liðið nálgaðist topplið deildarinnar með þessum sigri.

Valur-Fram 1-0

1-0 Guðjón Pétur Lýðsson ´86

Vodafonevöllur. Áhorfendur: 1.073

Dómari: Þóroddur Hjaltalín Jr. 5

Skot (á mark): 8-3 (3-1)

Varið: Haraldur 1 – Ögmundur 2

Hornspyrnur: 2-5

Aukaspyrnur fengnar: 10-8

Rangstöður: 2-0

Valur 4-3-3:

Haraldur Björnsson 5

Jónas Tór Næs 6

Atli Sveinn Þórarinsson 5

Halldór Kristinn Halldórsson 6

Pól Jóhannus Justinussen 3

Guðjón Pétur Lýðsson 6

Haukur Páll Sigurðsson 6 - maður leiksins

Christin R Mouritsen 5

(81. Jón Vilhelm Ákason -)

Rúnar Már Sigurjónsson 4

(84. Andri Fannar Stefánsson -)

Hörður Sveinsson 2

(72. Ingólfur Sigurðsson -)

Matthías Guðmundsson 4

Fram 4-3-3:

Ögmundur Kristinsson 5

Alan Lowing 4

Kristján Hauksson 4

Jón Guðni Fjóluson 5

Samuel Lee Tillen 4

Halldór Hermann Jónsson 5

Daði Guðmundsson 3

Jón Orri Ólafsson 5

Kristinn Ingi Halldórsson 5

Ívar Björnsson 4

(77. .Guðmundur Magnússon -)

Almarr Ormarsson 4

(62. Hjálmar Þórarinsson 5)