Dramatík í Suðurnesjaslag

Njarðvík og Grindavík mættust í riðli þrjú á gervigrasinu við Nettóhöllina. Grindvíkingar komust yfir í leiknum þegarað Valur Þór Hákonarsson kom boltanum í netið á 22.mínútu.

Forysta Grindvíkinga entist þó ekki lengi því aðeins tveimur mínútum eftir mark Vals hafði Arnar Helgi Magnússon jafnað metin fyrir Njarðvík. 

Njarðvíkingar hömruðu járnið á meðan það var heitt og á 39.mínútu kom Bragi Karl Bjarkason þeim yfir í stöðuna 2-1 og þannig stóðu leikar í hálfleik. 

Það stefndi allt í að Njarðvíkingar væru að sigla heim sigri en þegar komið var fram á fjórðu mínútu uppbótartíma venjulegs leiktíma náði Rúnar Ingi Eysteinsson að skora jöfnunarmark fyrir Grindavík og reyndist það síðasta mark leiksins sem endaði með 2-2 jafntefli. 

Njarðvík er með fimm stig eftir fyrstu þrjá leiki sína í riðlinum og er sem stendur í 2.sæti. Um fyrsta stig Grindavíkur var að ræða og vermir liðið f.sæti riðilsins.