Vilja banna myndir þar sem reykt er innan átján

Tóbaksvarnananefnd Bretlands fer fram á það í nýrri skýrslu að allar bíómyndir þar sem fólk sést reykja verði bannaðar innan átján ára aldurs. Skýrslan er birt í nýjasta hefti British Medical Journal og þar segir að kvikmyndirnar fegri sígarettureykingar og geri þær spennandi í augum ungs fólks og barna.

Nefndin vill að litið verði á reykingar á sama hátt og kynlíf og ofbeldi þegar kemur að því að ákveða aldurstakmörk á bíómyndir.

Gagnrýnendur hugmyndarinnar benda hinsvegar á að verði þetta að veruleika þurfi að banna Disney myndina 101 Dalmatíuhundur en þar keðjureykir glæpakvendið Cruella de Ville, og Hringadróttinssögu þar sem sjálfur Gandálfur púar pípu í gríð og erg.