Chu Young Park er genginn til liðs við Arsenal

Knattspyrnumaðurinn, Chu Young Park, frá Suður-Kóreu hefur samið við enska félagið Arsenal en leikmaðurinn hefur verið á leiðinni til liðsins að undanförnu.

Park kemur frá franska liðinu Monaco og verður númer níu hjá Arsenal.

„Ég er virkilega ánægður með að vera loksins komin til Arsenal, þetta er algjör draumur. Ég mun nota þau tækifæri sem ég fæ og sanna mig hjá félaginu," sagði Park eftir að hann hafði skrifað undir.

„Þetta eru frábær tíðindi fyrir félagið, hann kemur með ákveðin gæði í sóknarleik liðsins og verður okkur mikilvægur í vetur," sagði Arsene Wenger, knattspyrnustjóri Arsenal.