Henderson og Downing hlaða lofi á Suarez

Jordan Henderson og Stewart Downing, leikmenn Liverpool, lofuðu báðir liðsfélaga sinn, Luis Suarez, eftir 3-1 sigur liðsins á Bolton í dag.

Suarez skoraði ekki í dag en var síógnandi eins og hann hefur verið síðan að tímabilið hófst í Englandi.

„Hann er algjör martröð fyrir varnarmenn,“ sagði Henderson eftir leikinn. „Hann er alltaf á hreyfingu og alltaf að reyna að koma sér á bak við varnarmennina.“

Downing tók í svipaðan streng. „Við vitum allir að hann er leikmaður í heimsklassa. Hann er duglegur að skapa færi og skorar líka mörk. Sumarið hefur verið langt hjá honum en það virðist ekki koma að sök.“

Kenny Dalglish, stjóri Liverpool, lét ekki sitt eftir liggja. „Hann er frábær leikmaður og drengur góður. Það er gott að umgangast hann utan vallar.“