Cascarino líkti frammistöðu Arsenal við helförina

Tony Cascarino kom sér í vandræði í dag þegar hann líkti frammistöðu Arsenal gegn Manchester United við helför gyðinga í seinni heimsstyrjöldinni í beinni sjónvarpsútsendingu.

Cascarino var sérfræðingur í lýsingu Sky Sports-sjónvarpsstöðvarinnar frá leik liðanna í gær en United vann stórsigur, 8-2.

Nánar tiltekið var Cascarino að lýsa frammistöðu bakvarðarins Armand Traori sem átti í stökustu vandræðum með Nani, leikmann Manchester United.

Beðist var afsökunar á ummælunum í útsendingunni en engu að síður brugðust netverjar illa við. Var Cascarino úthúðað á samskiptavefnum Twitter og þess krafist að hann yrði rekinn frá Sky Sports.

Cascarino á langan feril að baki sem knattspyrnumaður en hann lék tilað mynda með Aston Villa, Chelsea, Celtic og Marseille á ferlinum. Hann á 88 landsleiki að baki með Írlandi.

Hann hefur starfað sem dálkahöfundur í The Times auk þess að koma fram í spjallþáttum í útvarpi.

Heyra má ummæli Cascarino með því að smella á hlekkinn hér fyrir ofan.