Mórallinn er greinilega ekki alveg nógu góður hjá Newcastle því liðsfélagarnir Andy Carroll og Steven Taylor lentu í heiftarlegum slagsmálum á æfingu.
Þau slagsmál enduðu ekki vel því Carroll tókst að kjálkabrjóta Taylor sem spilar þar með ekki meira á þessari leiktíð.
Carroll þurfti sjálfur að fara á spítala meiddur á hendi eftir höggið þunga sem líklega braut kjálkann á Taylor.
Atvikið átti sér stað á æfingu á sunnudag. Newcastle hefur gert sitt besta til þess að halda atvikinu leyndu en það gekk augljóslega ekki eftir.
