Cole vinnur að tónlist með 50 cent

Ashley Cole leynir á sér á ýmsan hátt og hæfileikar hans á tónlistarsviðinu hafa ekki farið hátt þó svo Cole sé nýbúinn að vinna að tónlist með 50 cent.

Cole samdi lag með Fiddy á dögunum fyrir myndina Dead Man Running sem Cole framleiðir ásamt Rio Ferdinand.

„Ashley er flottur gaukur. Við höfum aðeins unnið tvisvar saman en hann hefur hagað sér eins og herramaður í bæði skiptin. Hann hefur mikla ástríðu fyrir tónlist og við sömdum eitt lag saman," sagði Fiddy ánægður með samstarfið.