Maxi Rodriguez nýtur lífsins hjá Liverpool

Argentínumaðurinn Maxi Rodriguez sér ekki eftir því að hafa komið til enska liðsins Liverpool og kann vel við sig í Bítlaborginni.

Maxi Rodriguez kom til Liverpool frá Atletico Madrid í janúar og hefur síðan spilað sex leiki með Liverpool. Liverpool hefur unnið 3 þeirra, gert tvö jafntefli og fyrsta og eina tapið var á móti Arsenal í síðasta leik.

„Þetta gengur frábærlega og ég hefði ekki getað óskað mér betri byrjun," sagði Maxi Rodriguez í viðtali á heimasíðu Liverpool.

Maxi Rodriguez á þó enn eftir að skora eða leggja upp mark fyrir Liverpool en hann hefur verið í byrjunarliðinu í þremur af sex leikjum sínu.

„Þetta er öðruvísi líf en í Madríd en það hefur gengið vel að aðlagast og þetta hentar mér kannski betur en ég bjóst við," sagði Rodriguez.

„Enski boltinn er allt öðruvísi en sá spænski. Boltinn er harðari, það er tekist meira á og það er meiri grimmd í tæklingunum. Þetta er samt fótbolti og boltinn er ennþá kringlóttur," sagði Argentínumaðurinn.

„Ég er mjög hrifinn að keppnisandanum og líkamleg hluta leiksins hér og ég held að þessi leikstíll henti mér vel," sagði Maxi Rodriguez.