Cole ekki búinn að fá tilboð frá Chelsea

Chelsea er ekki enn búið að gera Joe Cole nýtt samningstilboð þó svo núverandi samningur hans renni út í sumar. Leikmaðurinn vonast þó enn til þess að ganga frá nýjum samningi áður en tímabilinu lýkur.

Þó svo Cole segi það búast flestir við að hann muni leita á önnur mið í sumar. Þess utan er talað um að Chelsea vilji ekki ganga að launakröfum leikmannsins.

„Ég hef aldrei tjáð mig um samningamál áður og ég tel að það eigi ekki að ræða um samninga á miðju tímabili. Ég hef venjulega notað sumarið í að ganga frá samningum," sagði Cole.

„Það er þó ekki þannig núna. Við erum í vandræðum með að ná saman og það er truflandi. Eins og stendur er ekkert tilboð einu sinni á borðinu þannig að ég veit hvar ég stend. Ég vonast samt til þess að spjalla betur vð þá í sumar."

Margir spá því að Cole muni fara til Man. Utd í sumar.