Ancelotti: Torres frábær og Liverpool átti skilið að vinna

Carlo Ancelotti, stjóri Chelsea, viðurkenndi að Liverpool hafði átt skilið að vinna í leik liðanna í dag.

Liverpool vann 2-0 sigur með tveimur mörkum frá Fernando Torres. „Við vissum að það yrði erfitt fyrir okkur að auka forystu okkar á toppi deildarinnar á þessum velli," sagði Ancelotti en Chelsea er enn á toppi ensku úrvalsdeildarinnar þrátt fyrir tapið í dag.

„Við erum í betri stöðu samanborið við önnur lið. Við þurfum að halda einbeitingu okkur og ekki hafa of miklar áhyggjur," sagði Ancelotti.

„Torres er frábær framherji og Liverpool á möguleika á því að blanda sér í baráttuna um fjórða sæti deildarinnar."

„Liverpool spilaði mjög góðan varnarleik allar 90 mínúturnar. Allir leikmenn tóku þátt í varnarleiknum og þess vegna áttu þeir skilið að vinna."

Hann sagði að Didier Drogba hafi ekki verið í byrjunarliðinu í dag þar sem hann veiktist í gærkvöldi og hafi ekki verið 100 prósent klár í slaginn.