Bellamy: Það vita allir hvernig Terry er utan vallar

Craig Bellamy, leikmaður Man. City, var ekkert að vanda John Terry, fyrirliða Chelsea, kveðjurnar eftir leik liðanna í dag. Hann sagði alla í boltanum vita hvernig Terry hagaði sér utan vallar.

„Ég veit hvernig Terry er og ekkert í hans fari kemur mér á óvart. Ég ætla þess vegna ekkert að tjá mig um það. Ég held að allir í boltanum viti hvers lags maður hann er utan vallar," sagði Bellamy.

„Fyrir utan það er hann frábær leikmaður og flottur fyrirliði fyrir Chelsea. Það er alltaf erfitt að spila gegn honum."