Mun Bellamy biðja um það að vera settur á sölulista?

Craig Bellamy er einn af þeim leikmönnum Manchester City sem eru ósáttastir með það að Mark Hughes hafi verið rekinn sem stjóri liðsins. Samkvæmt frétt Telegraph er Walesbúinn það ósáttur með meðferð landa síns að hann er að hugsa um að biðja um það að vera settur á sölulista.

Hinn 30 ára framherji var einn af sex leikmönnum sem gengu á fund stjórnarformannsins Garry Cook og heimtuðu skýringar um leið og þeir fréttu af því að Hughes hafi verið rekinn. Markvörðurinn Shay Given var í þeim hópi en fleiri hafa ekki verið nafngreindir.

Hughes keypti Bellamy frá West Ham United í janúar fyrir 14 milljónir punda en þeir höfðu starfað saman áður hjá bæði Blackburn og með velska landsliðinu. Það benti ekkert til þess að ekkert yrði að þessum kaupum eða þar til að Hughes lánaði City 250 þúsund pund til að þau gengu í gegn. Bellamy blómstraði síðan undir stjórn Hughes.

Það er einnig orðrómur um það samkvæmt frétt Telegraph að Argentínumaðurinn Carlos Tévez sé í hópi þeirra sem er að hugsa sinn gang eftir þessi óvæntu tíðindi helgarinnar.