Tilnefnir son sinn sem næsta leiðtoga Norður-Kóreu

Norður-Kóreski leiðtoginn Kim Jong Il hyggst tilnefna yngsta son sinn sem leiðtoga Norður-Kóreu. Hann heitir Kim Jong Un en lítið er vitað um átthagi hans. Talið er að hann sé fæddur árið 1983 eða 1984. Hann er í það minnsta á þrítugsaldrinum.

Kim Jong Il komst í heimsfréttirnar þann 25. maí þegar talið var að kjarnorkusprengja hafi verið sprengd neðanjarðar þar í landi. Suður-Kóreumenn fundu fyrir jarðskjálfta sem á að hafa komið vegna sprengjunnar.

Nú telur Suður-Kóreska leyniþjónustan að ástæðan fyrir því að sprengjan hafi verið sprengd hafi verið sú að Kim Jong Il hafi viljað sýna styrk sinn og í kjölfarið tilnefna son sinn sem næsta leiðtoga Norður-Kóreu.

Sjálfur er Kim Jong Il orðinn 67 ára gamall og talið er að hann hafi fengið heilablóðfall á síðasta ári.

Ekki er vitað hvenær það stendur til að tilnefna soninn.