Danskt Gullhorn finnst í Pétursborg í Rússlandi

Fornleifafræðingarnir hafa sum sé fundið nákvæma eftirlíkingu af dönsku Gullhorni sem er smíðað áður en að þeim var stolið og þau eyðilögð árið 1802. Eftirlíkingarnar sem nú eru á þjóðminjasafninu voru smíðaðar eftir teikningum og eru úr skíragulli.

Í fréttum í dönskum fjölmiðlum í morgun segir annarr fornleifafræðinganna, Jeppe Boel Jepsen, að það hafi lengi verið orðrómur um að þetta Gullhorn sem fannst núna væri til í Rússlandi. Sagan segir að þessa eftirlíkingu úr fílabeini hafi Friðrik IV Danakóngur gefið Pétri mikla keisara Rússlandi er sá síðarnefndi kom í heimsókn til Danmerkur árið 1716.

Hornið fannst nú í vikunni í Vetrarhöllinni í Pétursborg. Þar hafði það legið gleymt niður í skúffu, sennilega frá því að Pétur mikli flutti það fyrst heim með sér á sínum tíma.

Þess má geta að Gullhornunum sem nú eru í þjóðminasafninu danska var stolið haustið 2007 en þau og þjófarnir fundust fljótlega.