Wenger hefur áhyggjur af Walcott

Arsene Wenger á von á því að komast að því á morgun hvort að meiðsli Theo Walcott eru alvarleg.

Walcott átti við meiðsli að stríða í haust og var í fyrsta sinn í byrjunarliði Arsenal í dag sem vann 3-1 sigur á Birmingham.

Walcott fór þó af velli áður en fyrri hálfleikur var liðinn og er óttast að hann hafi meiðst alvarleg á hné.

„Við vitum ekki hvort liðband hafi skaddast eða hvort hann hafi einfaldlega fengið högg á hnéð," sagði Wenger. „Við þurfum að bíða til morguns til að sjá hversu alvarleg meiðslin eru. En ég held að hann verði ekki tilbúinn fyrir leikinn í Meistaradeildinni í næstu viku."

Hann var þó ánægður með sigurinn enda hefur Arsenal unnið sjö leiki í röð í öllum keppnum. Liðið hefur þar að auki unnið alla leiki sína á heimavelli til þessa.

„Okkur líkar vel við að sækja og við sköpuðum okkur nóg af færum í kvöld. En við vorum þó ekki eins skarpir og við getum verið," sagði Wenger.