Vieira fer ekki fyrr en í júní

Patrick Vieira segir að hann muni ekki afar frá Inter fyrr en að samningur hans við félagið rennur út í lok tímabilsins.

Þrálátur orðrómur hefur verið á kreiki um að Vieira vilji fara frá Inter strax um næstu áramót til að fá að spila meira með öðru félagi. Öðruvísi eigi hann litla möguleika á að vinna sér sæti í franska landsliðshópnum fyrir HM í Suður-Afríku á næsta ári.

„Ég vil fá að spila meira en ég vil líka klára minn samning við Inter," sagði Vieira sem hefur bæði verið orðaður við Arsenal og Chelsea.

„Það mun ekkert gerast í janúar. Ég mun þó fara frá Inter í júní og á enn eftir að ákveða hvort ég muni þá spila í ensku eða frönsku úrvalsdeildinni."