Martinez ætlar ekki að refsa Scharner

Knattspyrnustjórinn Roberto Martinez hjá Wigan segist skilja vel viðbrögð varnar -og miðjumannsins Paul Scharner sem lét öllum illum látum eftir að vera skipt útaf í tapleiknum gegn Hull um helgina.

Scharner var sterklega orðaður við félagaskipti frá Wigan í sumar og lenti svo upp á kant við Martinez, þegar stjórinn var nýbúinn að taka við félaginu, þegar hann kvaðst ekki vilja spila sem miðvörður.

Martinez ætlar hins vegar ekki að refsa honum fyrir að láta óánægju sína í ljós fyrir að vera skipt af velli á 66. mínútu um helgina.

„Hann er sigurvegari og ég vill að leikmenn mínir séu ósáttir þegar þeir eru að tapa," útskýrði Martinez í leikslok.