Búið að fresta leik Grétars Rafns og félaga í kvöld

Það verður ekkert af leik Wigan og Bolton í ensku úrvalsdeildinni í kvöld því það er búið að fresta leiknum vegna öryggisástæðna þar sem vegasamgöngur að vellinum eru mjög erfiðar eftir vetrarríkið á Bretlandseyjum síðustu daga.

Völlurinn hjá Wigan er leikhæfur en mikil snjókoma og frost hefur séð til þess að ekki þykir ráðlegt að leggja stuðningsmenn liðanna í óþarfa hættu á leið sinni á völlinn.

Ekki er ljóst hvenær leikurinn verður settur á að nýju en það er nokkuð víst að það verður ekki fyrr en einhvern tímann á næsta ári.