Verður Adriano lánaður til Tottenham í janúar?

Samkvæmt heimildum Daily Mirror stendur enska úrvalsdeildarfélaginu Tottenham til boða að fá brasilíska framherjann Adriano í sínar raðir þegar félagaskiptaglugginn opnar í janúar.

Hinn 27 ára gamli Adriano hefur látið mikið til sín taka með Flamengo í brasilísku deildinni síðan hann kom þangað eftir að hafa fengið sig lausann undan samningi hjá Inter en núverandi tímabili í Brasilíu lýkur í desember.

Adriano er sagður vera með klausu í samningi sínum við Flamengo sem geri honum kleift að fara á frjálsri sölu til félags í Evrópu í janúar ef hann kýs sem svo.

Adriano hefur gefið það út að hann dreymi um að komast á lokakeppni HM 2010 með Brasilíu og möguleikar hans um að verða í leikmannahópunum munu væntanlega aukast ef hann spilar í einhverri af fremstu deildum Evrópu.

Tottenham hefur sterklega verið orðað við sölu á framherjanum Roman Pavlyuchenko í janúar og því gæti Adriano komið í hans stað.