Fjórir leikmenn Bolton með svínaflensu

Svínaflensan heldur áfram að breiðast út meðal leikmanna í ensku úrvalsdeildinni en í dag var greint frá því að fjórir leikmenn Bolton hefðu greinst með veikina.

Gary Megson, stjóri Bolton, staðfesti að fjórir leikmenn væru veikir og einn starfsmaður félagsins. Hann vildi þó ekki nafngreina þá sem væru veikir.

Megson sagði að það væri nánast ómögulegt að forðast flensuna en liðið mætir Chelsea í ensku deildabikarkeppninni annað kvöld. Chelsea mætti einmitt Blackburn um helgina sem gat ekki teflt fram sínu sterkasta liði vegna svínaflensunnar. Chelsea vann leikinn, 5-0.

Grétar Rafn Steinsson er á mála hjá Bolton.