Íranskir fangaverðir ákærðir fyrir morð

Þrír íranskir fangaverðir hafa verið ákærðir fyrir að hafa myrt þrjá fanga sem haldið var í fangelsi sunnan af höfuðborginni Teheran eftir mikil mótmæli í landinu í sumar. Íranski fréttamiðillinn ISNA greindi frá þessu fyrr í dag.

Mótmælendur sökuðu stjórnvöld um kosningasvik þegar tilkynnt var að Mahmoud Ahmadinejad væri sigurvegari forsetakosninganna og sæti því annað kjörtímabil í embættinu. Óeirðirnar voru þær mestu í landinu í 30 ár.

Þúsundir voru handteknir í kjölfar mótmælaöldunnar og átakanna sem brutust út og að minnsti 30 létust. Tæplega 200 mótmælendur eru enn í haldi yfirvalda.