Bandaríkin - 48 látnir eftir ofsaveður

Björgunarsveitir leituðu í dag að fórnarlömbum ofsaveðurs og hvirfilbylgja í Suðurríkjum Bandaríkjanna sem tekið hafa líf 48 manns og slasað meira en 100 til viðbótar. Veðrið gjöreyðilagði hús og stórskemmdi verslunarmiðstöð, auk þess var fjöldi manns fastur innan um brak á heimavistum og elliheimilum. Veðrið hefur gengið eitthvað niður í dag og færst austur. Veðurstofa Bandaríkjanna hefur þó gefið út storm og hvirfilbyljaviðvörun svo enn er búist við slæmu veðri.

Þau ríki sem verst urðu úti voru Arkansas, Tennesse og Kentucky. Forkosningarnar voru í fullum gangi í þessum ríkjum þegar veðrið skall á og þurfti að loka mörgum kjörstöðum snemma af þeim sökum.

Fjöldi manns sem leitaði skjóls undir brú skolaðist með á en var bjargað. Auk mannfallsins hafa byggingar skemmst og fólk lokast inn og fregnir berast um eldsvoða af völdum byljanna sumstaðar í fyrrgreindum ríkjum.