Forseti Tsjad með fulla stjórn

Idriss Deby forseti Tsjad sagði í dag að ríkisstjórnin hefði náð fullri stjórn á höfuðborginni D'Djamena og landinu öllu. Þetta er í fyrsta sinn sem forsetinn kemur opinberlega fram síðan uppreisnarmenn réðust á borgina um síðustu helgi.

í N'Djamena er verið að safna saman líkum sam hafa legið á götum borgarinnar frá því uppreisnarmenn flýðu á sunnudag. Varnaramálaráðherra landsins er í heimsókn í landinu til að sýna stuðning Frakka en Tsjad var áður nýlenda Frakklands.

Mörg þúsund íbúar flúðu höfuðborg Tsjad um helgina eftir hörð átök dagána á undan. Stjórnarher landsins tókst á sunnudag að leysa umsátur uppreisnarmanna í kringum forsetahöllina í höfuðborginni og ráku þá á flótta.

Öryggisráð Sameinuðu þjóðanna hefur beint þeim tilmælum til þjóða í ráðinu að þau komi stjórninni í Tsjad til hjálpar.