Milljarðar í baráttuna gegn alnæmi

G8 fundurinn ákvað nú fyrir stundu að setja sextíu milljarða bandaríkjadala, um 3600 milljarða íslenskra króna, í baráttuna gegn alnæmi í Afríku. Gert er ráð fyrir að formlega verði tilkynnt um ákvörðunina seinna í dag.

Leiðtogar helstu iðnríkja heimsins munu beina sjónum sínum að málefnum Afríku á síðasta degi G8 ráðstefnunnar í Þýskalandi í dag. Þeir eru undir þrýstingi um að efna loforð um þróunaraðstoð sem gefin voru árið 2005 en ýmsar hjálparstofnanir hafa gagnrýnt ríkin fyrir að efna ekki þau loforð.