Vongóðir um árangur í friðarviðræðum

George Bush forseti Bandaríkjanna, Olmert forsætisráðherra Ísrael og Abbas leiðtogi Palestínumanna, segjast allir vera vongóður um að fundur sem þeir áttu saman í Maryland í Bandaríkjunum í gær geti skilað árangri í friðarviðræðum. Bush sagði í matarboði í gær að hann væri persónulega skuldbundinn því að friður næðist í Austurlöndum. En hann sagði jafnframt að deiluaðilar þyrftu að færa miklar fórnir. Stjórnmálaskýrendur segjast rétt mátulega vongóðir um að friðarráðstefna sem Bush stendur fyrir og hefst í Annapolis í dag muni skila árangri. Yfir 40 ríki og samtök, þar á meðal Sádí Arabía og Sýrland, taka þátt í ráðstefnunni.