Þrír kostir hjá Ágústi

Ágúst Gylfason mun ákveða sig bráðlega hvað hann gerir næsta leiktímabil. Ágúst mun ganga til liðs við Fjölni, Leikni eða Reyni Sandgerði. Þetta sagði hann í samtali við vefsíðuna Fótbolti.net.

Hann er með tilboð í höndunum frá öllum þessum þremur félögum. Fjölnir er nýliði í Landsbankadeildinni og vill fá Ágúst í leikmannahóp liðsins. 1. deildarlið Leiknis er í leit að aðstoðarþjálfara og hefur boðið honum að verða spilandi aðstoðarþjálfari.

Reynir féll úr 1. deildinni í sumar og hefur boðið Ágústi að gerast spilandi aðalþjálfari liðsins.

Ágúst er 36 ára en hann hefur undanfarin ár leikið með KR.