Draga til baka beiðni um framlengt gæsluvarðhald

Lögregluyfirvöld í Ástralíu og Bretlandi hafa dregið til baka beiðni um framlengt gæsluvarðhald yfir indverska lækninum Mohamed Haneef. Hann hefur nú setið í gæsluvarðhaldi í ellefu daga en Mohamed er grunaður um að aðild að sprengjuárásunum í London og Glasgow í lok síðasta mánaðar.

Hingað til hefur breskum og áströlskum lögregluyfirvöldum ekki tekist að sanna tengsl Mohamd við sprengjuárásirnar. Ekki liggur þó fyrir hvort Haneef verði sleppt strax í dag. Samkvæmt áströlskum lögum getur lögreglan yfirheyrt mann vegna gruns um aðild að hryðjuverkaárásum í allt að 24 klukkustundir. Hingað til hefur lögreglan aðeins notað 12 klukkustundir.