Umdeilt innflytjendafrumvarp úr sögunni

Frumvarp til breytingar á innflytjendalögum Bandaríkjanna hefur verið fellt í bandarísku öldungadeildinni. Úrslitin eru talin mikið áfall fyrir Bush forseta sem studdi frumvarpið en það hafði verið gagnrýnt mikið, jafnt af hægri- sem og vinstrimönnum.

Frumvarpið hefði gert 12 milljónir ólöglegra innflytjenda í Bandaríkjunum löglega, en það hefði einnig haft í för með sér hert eftirlit á landamærum.

Leiðtogi öldungadeildarinnar dró frumvarpið til baka þegar ljóst var að fimmtán atkvæði vantaði upp á að það næði fram að ganga. Innflytjendamál eru talin verða eitt helsta kosningamálið í næstu forsetakosningum árið 2008.