Castro sprækur í sjónvarpsviðtali

Það var frískur Fidel Castro sem birtist Kúbverjum í viðtali í kúbversku sjónvarpi í gærkvöld. Athygli vakti hins vegar að hann minntist ekkert á hvenær hann myndi snúa aftur í stól forseta landsins.

Castro, sem er áttæður kom fram í sjónvarpi í fyrsta sinn í tíu mánuði, eða frá því að hann gekkst undir aðgerð vegna veikinda í meltingarfærum. Hann hefur verið í endurhæfingu á ótilgreindum stað á Kúbu en það mun vera ríkisleyndarmál á Kúbu hvað amar nákvæmlega að Castro og hvernig honum muni reiða af. Hafa bandarísk stjórnmvöld leitt að því líkur að hann sé með krabbamein og eigi aðeins nokkra mánuði eftir ólifaða.

Castro var hins vegar brattur í viðtalinu gær og sagði að það yrði væntanlega fyrsta af morgum við hann á næstu misserum. Athygli vakti hins vegar að hann ræddi mikið um fortíðina en hann greindi ekki frá því hvort og þá hvenær hann myndi taka aftur við stjórnartaumunum af bróður sínum Raul sem leysti hann af hólmi í veikindunum í fyrra.